०३ साउन २०८३, आइतबार
मन्त्रिपरिषद् बैठक सकिएको छ । प्रधानमन्त्री निवास बालुवाटारमा सोमबार साँझ करिब एक घण्टा बसेर बैठक सकिएको हो ।
मन्त्रिपरिषद् बैठकले के-के निर्णय गर्यो भन्ने जानकारी दिइएको छ ।
बरु मन्त्रिपरिषद् बैठकपछि सत्तारूढ दल नेकपा एमाले, नेपाली कांग्रेस र जसपा नेपालका शीर्ष नेताहरूको बैठक बालुवाटारमै बसिरहेको छ ।
बैठकमा घुस डिल प्रकरणमा मुछिएका संघीय मामिला तथा सामान्य प्रशासन मन्त्री राजकुमार गुप्ताका विषयमा छलफल हुने बताइएको छ ।
सोमबार बिहान मात्र प्रधानमन्त्री ओलीले सरकारी निवास बालुवाटार बोलाएर मन्त्री गुप्तासँग सोधखोज गरेका थिए ।
एमालेका केन्द्रीय सदस्य एवं सांसद समेत रहेका गुप्ताले मालपोत कार्यालय कास्कीका तत्कालीन प्रमुखको सरुवा रोक्न ५३ लाख र भूमि आयोग कास्कीको अध्यक्ष बनाउन २५ लाख डिल गरेको अडियो सार्वजनिक भएपछि विवादित बनेका छन् ।
