१९ असार २०८३, शुक्रबार
नेपाल बीमा प्राधिकरणका अध्यक्ष शरद ओझाले फर्जी कागजात पेश गरी पद प्राप्त गरेको आरोपमा नेपाल सरकार मन्त्रिपरिषद्ले छानबिन गर्ने निर्णय गरेको छ ।
सोमबार बसेको मन्त्रिपरिषद् बैठकले उच्च अदालतका पूर्व न्यायाधीश कृष्ण गिरीको संयोजकत्वमा छानबिन समिति गठन गर्ने निर्णय गरेको हो । सो समितिले ओझाले कामै नगरेको पदमा कार्य अनुभव रहेको भनी पेश गरेको प्रमाणपत्रबारे छानबिन गर्ने एक मन्त्रीले लोकान्तरलाई बताए ।
बीमा प्राधिकरणको अध्यक्ष पदमा नियुक्त हुँदैखेरि उनले पेश गरेको अनुभव प्रमाणपत्र झुटो रहेको आरोप लाग्दै आएको थियो ।
