विधान महाधिवेशनको तयारीका लागि छलफल गर्न नेकपा एमालेको सचिवालय बैठक बसेको छ । 

ललितपुरको च्यासलस्थित एमाले केन्द्रीय कार्यालयमा बिहीबार दिउँसो सचिवालय बैठक जारी छ ।

बैठकले भोलि बस्ने पोलिटब्युरो बैठक र ५ साउनमा बस्ने केन्द्रीय कमिटी बैठकको एजेन्डा तय गर्नेछ ।

भदौ २० देखि २२ गतेसम्म ललितपुरमा हुने विधान महाधिवेशनमा प्रस्तुत हुने संशोधित विधानको मस्यौदा, राजनीतिक प्रतिवेदन र सांगठनिक प्रतिवेदनमाथि बैठकमा छलफल हुने नेताहरूले बताएका छन् । 

विधान महाधिवेशनअघि पार्टीको तहमा छलफल गरेर देशभरबाट सुझाव लिने तयारी एमालेको छ । 

एमालेले विधानमा पदाधिकारी र केन्द्रीय सदस्यको संख्या घटाउने तयारी गरेको छ ।