०५ असार २०८३, शुक्रबार
करेन्ट लागेर सर्लाहीमा एक युवकको मृत्यु भएको छ ।
लालबन्दी नगरपालिका-१ लखनदेही पुल नजिकै न्यू माँ राजदेवी खाद्य उद्योगमा ना ६ ख ७५५० नम्बरको ट्रकमा भुस लोड गर्ने क्रममा करेन्ट लागेर ट्रकका सहचालकको मृत्यु भएको हो ।
मृत्यु हुनेमा रौतहटको वृन्दावन नगरपालिका-७ बस्ने ३० वर्षीय विनेश पासवान रहेका प्रहरीले जनाएको छ ।
ट्रकमाथि लगाएको त्रिपाल हटाउने क्रममा विद्युतीय तारबाट करेन्ट लागेर गम्भीर घाइते भएका उनको नमूना अस्पताल हरिवनमा उपचारका क्रममा मृत्यु भएको हो ।
साथै, करेन्ट लागेर घाइते भएका ट्रकमा काम गर्ने अन्य २ जनाको सोही अस्पतालमा उपचार भइरहेको प्रहरीले जनाएको छ ।
