१४ असार २०८३, आइतबार
बेलायतमा अब १६ वर्ष पुगेका किशोरकिशोरीहरूले पनि मतदान गर्न पाउने भएका छन् । सरकारले मतदान गर्ने न्यूनतम उमेर १८ बाट घटाएर १६ वर्ष पुर्याउने घोषणा गरेको हो ।
सरकारले अर्को राष्ट्रिय चुनाव अगाडि यो निर्णय गरेको हो । मध्य-वामपन्थी लेबर पार्टीले जुलाई २०२४ मा निर्वाचित हुनुअघि बेलायतको संसद् चुनावको लागि मतदान गर्ने उमेर घटाउने वाचा गरेको थियो।
स्कटल्याण्ड र वेल्सले पहिले नै १६ र १७ वर्षका बालबालिकाहरूलाई स्थानीय र क्षेत्रीय चुनावमा मतदान गर्न अनुमति दिइसकेका छन् ।
सन् २०२४ को चुनावमा मतदान ५९.७ प्रतिशत थियो, जुन दुई दशकभन्दा बढी समयमै सबैभन्दा कम हो ।
अर्को राष्ट्रिय चुनाव २०२९ सम्ममा हुने छ ।
