२८ असार २०८३, आइतबार
भारतको अहमदाबाद दुर्घटनामा एयर इन्डियाको बोइङ विमानमा भएको प्राविधिक गडबडीजस्तै अर्को घटना अमेरिकामा पनि प्रकाशमा आएको छ।
स्यान्टियागो जाँदै गरेको लाटम एयरलाइन्सको बोइङ ७८७-८ ड्रीमलाइनर विमानमा प्राविधिक समस्या आएपछि लस एन्जलस विमानस्थलमा आपतकालीन अवतरण गर्नुपरेको अन्तर्राष्ट्रिय सञ्चार माध्यमहरूले जनाएका छन् ।
समाचारअनुसार यसअघि विमान प्रशान्त महासागरमाथि करिब एक घण्टासम्म घुमेको थियो । अवतरणको क्रममा विमानको राम एयर टर्बाइन (आरएटी) प्रणाली सक्रिय भएको थियो ।
आरएटी प्रणाली सक्रिय हुनुको अर्थ विमानको सामान्य विद्युत आपूर्तिमा ठूलो समस्या छ । इन्जिन फेल हुँदा वा विद्युतीय प्रणालीमा खराबी हुँदा यो सक्रिय हुन्छ ।
इन्धन आपूर्ति बन्द हुनु पनि कारण हुन सक्छ । यद्यपि, इन्जिनमा इन्धन आपूर्ति रोकिएको थियो कि थिएन भन्ने स्पष्ट छैन ।
