२४ जेठ २०८३, आइतबार
भियतनामको उत्तर–पश्चिमी पहाडी क्षेत्रहरूमा परेको लगातार वर्षाका कारण आएको बाढीमा परी कम्तीमा १० जनाको ज्यान गएको भियतनाम विपद् व्यवस्थापन अधिकारीहरूले आइतबार जनाएका छन् ।
सबैभन्दा बढी असर दिएन बिएन प्रान्तको टिया डिन्ह र सा डुङ क्षेत्रमा परेको छ, जहाँ बाढीले १० जनाको मृत्यु र सात जना घाइते बनाएको भियतनामको कृषि मन्त्रालयले जनाएको छ ।
बिहीबारदेखि शनिबारसम्म लगातार परेको भारी वर्षाले आकस्मिक बाढी ल्याएको थियो । बाढीले धेरै गाउँहरूलाई बाह्य सम्पर्कबाट टाढा बनाएको छ, जसका कारण उद्धार र राहत कार्यमा कठिनाइ आएको छ ।
