राष्ट्रिय परीक्षा बोर्डले सोमबार प्रकाशित गरेको परीक्षाफलमा चित्त नबुझेका विद्यार्थीहरूले पुनर्योगका लागि अनलाइनबाट निवेदन दिन सक्ने भएका छन् । 

बोर्डले मंगलबार प्रकाशित गरेको सूचनाअनुसार साउन २० गते (आज) दिउँसो १:०० बजेदेखि साउन २९ गते साँझ ५:०० बजेसम्म पुनर्योगका लागि परीक्षार्थीले अनलाइन फाराम भर्न सक्नेछन् । 

पुनर्योग फाराम कसरी भर गर्ने?

• विद्यार्थीहरूले neb.gov.np मा गई Online payment (Retotaling) मा जान सक्नेछन् वा payment.neb.gov.np/Student Portal मार्फत पनि आवेदन दिन सक्नेछन्।
• फाराम भर्नका लागि सिम्बोल नम्बर (Symbol No.) र जन्म मिति (DOB) राखेर खोजी गर्ने, पुनर्योग गर्न चाहेको विषयको अगाडि √ लगाउने ।
• Digital Wallet (ई–सेवा, खल्ती आदि) मार्फत शुल्क तिर्ने,
• प्राप्त हुने confirmation message सुरक्षित राख्ने।
• पुनर्योगको परिणाम पछि हेर्नको लागि बोर्डको आधिकारिक वेबसाइट neb.gov.np मा जान सकिनेछ।