२४ जेठ २०८३, आइतबार
कैलाली जिल्ला कारागारमा दुई समूहबीच झडप हुँदा एक जनाको मृत्यु भएको छ । घटनामा धनगढी–४ का ४० वर्षीय भरत चौधरीको मृत्यु भएको जिल्ला प्रहरी कार्यालय कैलालीका प्रवक्ता डीएसपी राजकुमार सिंहले लोकान्तरलाई जानकारी दिए ।
मृतक चौधरी लागुऔषध मुद्दामा थुनामा थिए । झडपका क्रममा गम्भीर घाइते भएका चौधरीलाई उपचारका लागि सेती प्रादेशिक अस्पताल पुर्याइएको थियो । उनको त्यही मृत्यु भएको हो । उनको शव सोही अस्पतालमा राखिएको छ ।
उनका अनुसार झडपमा एक ४७ जना घाइते भएका छन् । घाइतेमध्ये एक जनाको अवस्था गम्भीर छ । एक जनाको आईसीयूमा र बाँकीको सामान्य उपचार भैरहेको उनले बताए ।
शुक्रबार राति १ बजे झडप भएको थियो । घटनाबारे थप अनुसन्धान भैरहेको डीएसपी सिंहले बताए ।
