२६ असार २०८३, शुक्रबार
सुनसरीको भोक्राहा नरसिंह गाउँपालिका–३ स्थित जलुवाटोलमा आज बिहान बस र विङ्गर ठोक्किँदा मृत्यु हुनेको संख्या ४ पुगेको छ ।
बिहान करिब ७:१५ बजे पूर्व–पश्चिम राजमार्गमा काँकडभिट्टाबाट खोटाङको दिक्तेलतर्फ जाँदै गरेको मे १ ख १७९९ नम्बरको बस र विपरीत दिशाबाट आउँदै गरेको प्र २–०१–००१ ज ००४७ नम्बरको विङ्गर ठोक्किएर दुर्घटना भएको प्रहरीले जनाएको छ ।
मृतकहरूको सनाखत हुन सकेको छैन ।
घाइतेहरू मध्ये ३ जना सामान्य उपचारपछि अस्पतालबाट डिस्चार्ज भएका छन् । १० जना मध्यम र ११ जना सामान्य घाइतेहरूको सुनसरीका विभिन्न अस्पतालमा उपचार भइरहेको छ ।
दुर्घटनाको खबर पाएलगत्तै जिल्ला प्रहरी कार्यालय सुनसरीबाट प्रहरी निरीक्षकसहितको टोली घटनास्थलमा खटिएर उद्धार गरेको थियो ।
झापाको अर्जुनधारा नगरपालिका–१ बस्ने ३६ वर्षीय बस चालक गोपाल अधिकारीलाई प्रहरीले नियन्त्रणमा लिएको छ ।
विङ्गरका चालक पनि घाइते छन् । उनको उपचार भइरहेको छ ।
