१५ असार २०८३, सोमबार
जाजरकोटमा एम्बुलेन्स दुर्घटना हुँदा चालकको मृत्यु भएको छ ।
भेरी नगरपालिका–१ कोलचौर नजिकै कल्ले खोलामा आज भे १ च २२४७ नम्बरको एम्बुलेन्स दुर्घटना भएको छ ।
दुर्घटनामा एम्बुलेन्सका चालक भेरी–१ डौंरीकाँडाका २७ वर्षीय सुनिल चनाराको मृत्यु भएको हो ।
अस्थायी प्रहरी पोष्ट होलुखोलाका प्रहरी नायब निरीक्षक वीरबहादुर थापाका अनुसार भेरी–१ डौँरीकाँडा बिरामी लिन जाँदै गर्दा एम्बुलेन्स दुर्घटना भएको हो ।
उकालो सडकको भित्तामा ठोक्किएर एम्बुलेन्स दुर्घटना भएको हो । चालक चनाराको घटनास्थलमै ज्यान गएको प्रहरीले जनाएको छ ।
