रुपन्देहीको भैरहवामा अत्यन्तै दुर्लभ र अति विषालु रस्सेल्स भाइपर सर्प फेला परेको छ । 

भैरहवाको गौतमबुद्ध अन्तर्राष्ट्रिय विमानस्थल नजिकै रस्सेल्स भाइपर सर्प फेला परेको हो । 

रस्सेल्स भाइपरलाई सर्प उद्धारकर्ता विशाल पाण्डेले बिहीबार उद्धार गरेका छन् । उक्त सर्प सुरक्षित बासस्थानमा लगेर छाडिएको छ ।

उक्त सर्प देखिएपछि अजिंगर भनेर स्थानीयले खबर गरेका थिए । यो सर्पको विष हेमोटोक्सिनमा असर गर्ने प्रकारको हुन्छ, जसले रगतको गडबडी, आन्तरिक रक्तस्राव र अन्य गम्भीर स्वास्थ्य समस्या निम्त्याउने पाण्डेले बताए । 

विश्वका सबैभन्दा खतरनाक सर्पमध्ये यसलाई ७औं स्थानमा राखिएको छ र नेपालमा यो दोस्रो विषालु सर्प मानिन्छ ।