११ साउन २०८३, सोमबार
भारतका विदेश सचिव विक्रम मिश्री काठमाडौं आइपुगेका छन् । नेपालको दुईदिने औपचारिक भ्रमणमा आइतबार बिहान उनी काठमाडौं आएका हुन् । यहाँ रहँदा विदेश सचिव मिश्रीले नेपालका उच्च अधिकारीहरूसँग पनि भेट गर्नेछन् ।
परराष्ट्र मन्त्रालयका सचिव अमृतबहादुर राईको निमन्त्रणामा भारतीय समकक्षी मिस्री भ्रमणका लागि नेपाल आएका हुन् ।
भारतले छिमेकी पहिलो नीतिअन्तर्गत नेपालसँगको सम्बन्धलाई उच्च प्राथमिकता दिँदै आएको छ । त्यसकै निरन्तरता स्वरूप विदेश सचिव मिस्रीको नेपाल भ्रमण हुन लागेको भारतीय दूतावासले जनाएको छ ।
विदेश सचिवको भ्रमणले दुई देशबीचको नियमित उच्चस्तरीय आदानप्रदानको परम्परालाई निरन्तरता दिने र द्विपक्षीय सम्बन्धलाई अझ अघि बढाउने विश्वास लिइएको छ।
भारत-नेपालबीच बलियो र मैत्रीपूर्ण सम्बन्ध रहेको छ ।
प्रधानमन्त्री केपी शर्मा ओलीले भदौ अन्तिममा भारत भ्रमण गर्ने तयारी छ ।
विदेश सचिव मिस्रीको नेपाल भ्रमणलाई प्रधानमन्त्री ओलीको भारत भ्रमणको तयारीका रूपमा पनि लिइएको छ ।
