३१ जेठ २०८३, आइतबार
राष्ट्रिय स्वतन्त्र पार्टी (रास्वपा)का सभापति रवि लामिछानेको पक्षमा ३४ लाख हस्ताक्षर संकलन भएको छ। यस्तै, ६५ लाख रुपैयाँ सहयोग संकलन भएको रास्वपा प्रवक्ता मनीष झाले जानकारी दिए । उनका अनुसार यो आँकडा बिहीबारसम्मको हो ।
हस्ताक्षर संकलन अभियान पश्चिमदेखि पूर्वी नेपालको यात्रामा निस्किएको उनले जानकारी दिए ।
देश यात्रा बुधबारबाट सुदूरपश्चिमको कञ्चनपुरबाट शुरू भएको हो । राजनीतिक प्रतिशोध गरेर रविलाई थुनिएको भन्दै रास्वपाले हस्ताक्षर अभियान चलाइरहेको छ ।
सहकारी ठगी र सम्पत्ति शुद्धीकरणमा रास्वपा सभापति रवि कारागारमा रहेका छन् ।
लामिछानेविरुद्ध गरिएको राजनीतिक प्रतिशोधविरुद्ध हस्ताक्षर संकलन अभियान जारी रहेको उनले बताए ।
