नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ उखु किसानको आन्दोलनमा ऐक्यबद्धता जनाउन पुगेका छन् ।

उनी काठमाडौंको माइतीघर मण्डलमा जारी उखु किसानको धर्नामा पुगेर मंगलबार ऐक्यबद्धता जनाएका हुन् ।

विभिन्न जिल्लाबाट आएका उखु किसानले गत आर्थिक वर्षको पाउनुपर्ने अनुदान रकम भुक्तानीको माग राख्दै ८ भदौदेखि माइतीघरमा धर्ना जारी राखेका छन् ।

उखु उत्पादक महासंघ संघर्ष समितिको आह्वानमा भएको आन्दोलनमा किसानहरूले प्रतिक्विन्टल ७० रूपैयाँका दरले बक्यौता भुक्तानी गर्न माग गरेका छन् ।

आर्थिक वर्ष २०८१/८२ मा बिक्री भएको उखुको १ अर्ब ६० करोड तत्काल भुक्तानी गर्नुपर्ने उनीहरूको माग छ ।

यसका साथै  मूल्य निर्धारण गर्दा कृषकलाई सहभागी गराउनुपर्ने, उखुको अनुदान भुक्तानी गर्नुपर्ने, उखुमा लगाएको कर खारेज गर्नुपर्ने लगायतका उनीहरूका माग छन् । 

चालु आर्थिक वर्ष २०८२/८३ को बजेटमा अनुदान छुटाइएको समेत उखु किसानहरूको आपत्ति छ ।