११ साउन २०८३, सोमबार
नेकपा (माओवादी केन्द्र)का उपमहासचिव जनार्दन शर्माले दुग्ध किसानलाई तत्काल भुक्तानी दिन सरकारसँग माग गरेका छन् ।
उनले सोमबार सामाजिक सञ्जाल फेसबुकमार्फत् टिप्पणी गर्दै उखु किसान आन्दोलनमै रहेका बेला दुग्ध किसानले पनि बिक्री गरेको दूधको पैसा नपाएर आन्दोलनमा आउनुपर्ने अवस्था राष्ट्रिय लज्जाको विषय भएको उल्लेख गरेका छन् ।
शर्माले वर्षातको बेला र दशैँको मुखमा किसानलाई आन्दोलनमा आउनुपर्ने बाध्यता नआओस् भन्दै दुग्ध किसानलाई तत्काल भुक्तानी दिनुपर्नेमा जोड दिएका छन् ।
‘उखु किसानहरू आन्दोलनमै रहेका बेला दूग्ध किसानहरू समेत आफूले बेचेको दूधको मूल्य नपाएर आन्दोलनमा आउनुपर्ने अवस्था राष्ट्रिय लज्जाको विषय बनेको छ’, शर्माले लेखेका छन्, ‘वर्षातको बेला र दशैँको मुखमा किसानहरूलाई आन्दोलनमा आउनुपर्ने बाध्यतामा नपारी तत्काल दूग्ध किसानको भुक्तानी दिएर किसानहरूको जायज माग पूरा गर्न सरकारसँग जोडदार माग गर्दछु ।’
