३१ जेठ २०८३, आइतबार
काठमाडौं, २७ मंसिर — राम्रो ह्यान्डराइटिङले सबैलाई प्रभावित पार्छ र त्यही हेरेर पनि लेख्ने मान्छेको पढाइमा कति रुचि छ भन्ने देखाउँछ । हामी सबैको ह्यान्डराइटिङ फरक हुन्छ र यसैले मानिसको व्यक्तित्वको बारेमा धेरै कुरा बताउँछ ।
अक्षरको आकार
ठूलो अक्षर — तपाईंको ह्यान्डराइटिङमा अक्षर ठूलोठूलो लेख्नुहुन्छ भने जीवनप्रति तपाईंको खुला दृष्टिकोण छ । मानसम्मान पाउने तपाईंको इच्छा प्रबल छ । तपाईं कुनै पनि कुरामा छिट्टै बोर हुनुहुन्न ।
सानो अक्षर — तपाईं सानो अक्षर लेख्नुहुन्छ भने तपाईंमा एकाग्रता छ अनि जीवनप्रति तपाईंको दृष्टिकोण संकीर्ण छ भन्ने देखाउँछ । तपाईं आफ्नो लक्ष्यमा स्पष्ट र निश्चित हुनुहुन्छ ।
दबाब
कम दबाब — लेख्दाखेरी तपाईं अक्षरहरूमा कम दबाब दिनुहुन्छ भने तपाईं भावनालाई उजागर गर्न मन नपराउने व्यक्ति हो । तपाईं अभिव्यक्तिमा विश्वास गर्नुहुन्न ।
अधिक दबाब — लेख्दाखेरी अक्षरमा धेरै दबाब दिनुहुन्छ भने तपाईं भावुक मानिस हो ।
अक्षरबीचको अन्तर
बराबर अन्तर — तपाईंको ह्यान्डराइटिङमा अक्षरहरूका बीचको अन्तर बराबर छ भने तपाईंको जीवन सुल्झिएको छ र तपाईं मानसिक रूपमा सुल्झिएको मानिस हो । कुराहरूलाई कुशल प्रबन्धन गर्न तपाईं सिपालु हुनुहुन्छ ।
कम अन्तर — अक्षरहरूका बीच कम अन्तर हुँदा तपाईं समयको प्रबन्ध कुशलतापूर्वक गर्न सक्नुहुन्न ।
अधिक अन्तर — अक्षरहरूबीच धेर अन्तर हुँदा तपाईं स्वतन्त्रता मन पराउने व्यक्ति भएको थाहा लाग्छ । तपाईं कम्फर्ट जोनमा बस्न मन पराउनुहुन्छ । व्याकुल भएर बस्न तपाईंलाई मज लाग्दैन ।
अक्षरको झुकाव
सीधा — तपाईंको अक्षर सीधा छ भने तपाईं आफ्ना भावनाहरूलाई नियन्त्रित गर्नुहुन्छ र तौलेर मात्र अभिव्यक्त गर्नुहुन्छ । सबै काम सोचेर गर्ने बानी छ तपाईंको ।
देब्रे — अक्षर देब्रेतर्फ ढल्किने गरी लेख्नुहुन्छ भने तपाईं अन्तर्मुखी स्वभावको हुनुहुन्छ र स्वतन्त्रता तपाईंलाई प्रिय छ ।
दाहिने — अक्षर दाहिनेतिर ढल्काउनुहुन्छ भने तपाईं मानिसँग भेटघाट गर्न, कुराकानी गर्न र हिँडडुल गर्न मन पराउने खालको हुनुहुन्छ ।
एजेन्सी
