क्लब डेजाभु प्रकरणमा संलग्न सञ्चालकसहित सात जनामाथि प्रहरीले ठगी आरोपमा अदालतमा मुद्दा दायर गरेको छ । 

काठमाडौँ दरबारमार्गस्थित डेजाभु नाइट क्लबले चर्चित अन्तर्राष्ट्रिय ‘डिस्को जक्की’ मार्समेलोको प्रस्तुती रहने भन्दै टिकट कटाएपनि उनी उपस्थित नभएपछि क्लबमा तेडफोड भएको थियो ।

महानगरीय अपराध महाशाखाले उनीहरुलाई ठगी ऐन अन्तर्गत काठमाडौं जिल्ला अदालतमा मुद्दा दायर गरि अनुसन्धान अघि बढाएको महानगरिय अपराध महाशाखाका प्रमुख दिवश लोहनीले जानकारी दिए । 

लोहनीका अनुसार पक्राउ परेका सातजनालाई शुक्रवार दिउँसो काठमाडौ. जिल्ला अदालत म्याद थपका लागि उपस्थित गराइएको थियो । जसमा पृथु बाँस्कोटा, मयक खड्का, जयन श्रेष्ठ, आकाश न्यौपाने, विशाल डाँगी, मिलन श्रेष्ठ, राजीव महर्जन र रितेश माडवाडी रहेका छन् ।