२४ जेठ २०८३, आइतबार
स्पेनमा क्याटलान पक्षहरुको पार्टीले क्षेत्रीय संसदको चुनावमा बहुत स्थानमा जित हात पारेपछि स्पेन संकटमा परेको छ ।
जसका कारण स्पेनको केन्द्र सरकारसँग मुठभेडको अवस्था आउनसक्ने बीबीसीले जनाएको छ ।
चुनावमा सिटिजन्स पार्टी सवैभन्दा ठूलो पार्टी बनेको छ ।
स्पेन्नको केन्द्रीय सरकारले क्याटलोनियाको स्वायत्ततालाई खोस्दै अक्टोबरमा भएको स्वतन्त्रासम्बन्धी जनमत संग्रहलाई गैर संवैधानिक घोषणा गरेर चुनाव गराएको थियो । निर्वाचनमा ८० प्रतिशत भन्दा धेरै मत खसेको थियो यो क्याटलोनियाको चुनावी इतिहासको सवै भन्दा धेरै हो ।
क्याटलान टुक्राउने पक्षका नेता कार्लस पुज्डमोनले स्वतन्त्रता समर्थक पार्टीहले जीत हात पारेको बताएका छन् । ब्रसेल्समा निर्वासनमा रहेका उनले क्याटलान नागरिकलाई पृथकताको पक्षमा मतदान गर्न समेत भिडियो मार्फत आह्वान गरेका थिए ।
उनीमाथि स्पेन सरकारले देशद्रोहको अभियोग लगाएका छन् ।
कुल १३५ सीटमध्ये पृथकतावादी पार्टीले २५ प्रतिशत भोट ल्याउँदै ३६ सीटमा जित हात पारेको छ । सिटिजन्स पार्टीकी नेतृ इनिस अरिमाडसले गठवन्धन बनाउने प्रयास गर्ने बताएकी छिन् । मत परिणामले स्पेनी प्रधानमन्त्री मारिआनो रखोयलाई भने धक्का पुगेको अन्तर्राष्ट्रिय सञ्चार माध्यमहरुले जनाएका छन् ।
