हुम्ला, ११ पुस– हुम्ला जिल्लामा जनताका लागि आएको अनुदानको चामल राजनीतिक दलका नेताले कार्यकतालाई बाडेंका छन् । ४ महिना अगाडिनै आउनु पर्ने चामल ४ महिनापछि आएको र सांसदहरुले कार्यकर्तालाई वितरण गरेको बताइएको छ । हुम्ला जिल्लाका प्रदेश र प्रतिनिधिसभाका सांसदहरुले ८ सय ६४ क्विन्टल खाद्यान्न आफ्ना कार्यकतालाई बाडेका हुन् ।

परिचयका लागि टोक्कन दिएको र सोही अनुसार वितरण गरेर सकाएको खाद्य संस्थानले जनाएको छ । चामल कार्यकर्तालाई  बाडेपछि हुम्लाका सर्वसाधारणले पैसा तिरेर पनि अनुदानको चामल पाउन नसकेको गुनासो गरेका छन् ।

सर्वसाधारणका लागि आएको खाद्यान्न प्रतिनिधिसभाका सांसद छक्क बहादुुर लामा र प्रदेशसभाका सांसद दल रावलले बाडेको श्रोतले बतायो ।