काठमाडौं, ९ माघ– गरिबी उन्मूलनको दिशामा काम गर्ने एक अन्तर्राष्ट्रिय संस्था अक्सफैमले फोब्र्स म्यागेजिनको आंकलनका आधारमा आधा विश्वको सम्पत्ति ८ व्यक्तिसँग रहेको सार्वजनिक गरेको छ । करिब ३.६ बिलियन मानिससँग रहेको सम्पत्ति बराबर यी ८ व्यक्तिसँग रहेको छ ।
आधा विश्वका सम्पत्तिका मालिक यी ८ व्यक्ति को हुन् ? थाहापाउनुस् ।
आधा विश्वको सम्पत्तिमा कब्जा गर्ने व्यक्तिहरु प्रायः प्रविधिसँग सम्बन्धित व्यापारी हुन् । यसमा ६ जना अमेरिकी , एक युरोपियन र एक मेक्सिकन रहेका छन् । यी मध्ये कोहीले आफ्नो पूरै सम्पत्ति मृत्युपछि परोपकारको लागि दान गर्ने समेत निर्णय गरिसकेका छन् ।
बिल गेट्स – ७५ बिलियन डलर
बिल गेट्स बर्षौ देखि अरबपतिको अग्रपंक्तिमा रहँदै आएका छन् । बिल गेट्सले सन १९७० को बीचमा माइक्रोसफ्ट सफ्टवेयर कम्पनीको स्थापना गरी व्यवसाय शुरु गरेका थिए ।
यस कम्पनीले कम्प्यूटरलाई घरघरमा पु–याउन मद्दत गरेको थियो । बिल गेट्सले सन २००० मा कम्पनीको सीइओ पदबाट हटेका थिए । उनले पत्नीको नाममा बनेको परोपकारी संस्था विल एण्ड मिलिन्डा गेट्स फाउन्डेशनमा आफ्नो पूरा समय दिँदै आएका छन् ।
अमान्सियोओर्तेगा – ६७ बिलियन डलर अमान्सियोओर्तेगा युरोपका सबैभन्दा धनी ओर्तेगाले सन १९७५ मा पहिलो फेशन पसल खोलेका थिए । अहिले ओर्तेगा इन्डिटेक्स गु्रपको नामबाट संसारभर करिब ७ हजार फेशन पसलहरु छन् । अहिले कम्पनीको बजारमूल्य करिब ९७ बिलियन यूरो छ ।
वारेन बफेट – ६०.८ बिलियन वारेन बफेट ओरकल अफ ओमहाको रुपमा प्रख्यात यस अमेरिकी व्यापारीको लगानी शैलीको सबैले अनुकरण गर्छन् । सन १९४० को दशकमा किशोरावस्थामै व्यापारमा लगानी गर्न शुरु गरेका उनले आफ्नो कम्पनी बर्कशियर हैथवे स्थापना गरेका थिए ।
कार्लोस एजलिम हेलू – ५० बिलियन कार्लोस एजलिम हेलू मेक्सिकोका यस व्यापारीको अमेरिकामा चलिरहेको थुप्रै मोबिल कम्पनीका मालिक हुन् । तीन बर्ष अघि विश्वका सबैभन्दा धनी व्यक्तिको सूचीमा अग्रस्थानमा रहेका थिए ।
जेफ बेजोस – ४५.२ बिलियन जेफ बेजोस ऐमजोनका संस्थापक तथा सीइओ जेफ बेजोसले अनलाइन सपिङलाई लोकप्रिय बनाएर रिटेल इन्डष्ट्रीमा क्रान्ति ल्याएका थिए । अनलाइन मार्फत किताब बिक्री शुरु गरेका ऐमजोनले अहिले लाखौं उत्पादनहरु बिक्री गर्ने गर्छन् । उनले प्रतिष्ठित अमेरिकी समाचारपत्र वाशिंगटन पोस्ट किनेका थिए ।
मार्क जुकरबर्ग – ४४.६ बिलियन मार्क जुकरबर्ग जुकरबर्गले सन २००४ मा हार्वर्डका विद्यार्थीहरुलाई एक आपसमा जोेड्नको लागि फेसबुकको स्थापना गरेका थिए । पछि यो कम्पनी संसारभर नै लोकप्रिय बने ।
लेरी एलिसन – ४३.६ बिलियन लेरी एलिसन सन १९७० को दशकमा युवा प्रोगामरका रुपमा आएका थिए लेरी एलिसन । यस प्रोजेक्टको नाम ओरकल थियो । एलिसनको ओरकलमा २७ प्रतिशत शेयर छ । अहिले उक्त कम्पनीको मूल्य १ सय ६० बिलियन डलर छ ।
माइकल ब्लूमबर्ग – ४० बिलियन माइकल ब्लूमबर्ग सन १९८१ मा बित्तिय जानकारी दिने कम्पनी ब्लूमबर्गले स्थापना गरेका थिए । ब्लूमबर्गले मुख्य रुपमा फाइनान्सियल सर्बिसेज कम्पनीलाई डेटा टर्मिनल बेचेर धन आर्जन गरेका थिए । कम्पनीमा ब्लूमबर्गको ८८ प्रतिशत शेयर छ । उनी सन २००१ मा राजनीतिमा प्रवेश गरेका थिए । उनी तीनपटकसम्म न्यूयोर्क शहरका मेयर बनेका थिए । एजेन्सी
