काठमाडौं, १३ पुस– नेपालमा भारतबाट आयातीत नियन्त्रित लागुऔषधको कारोबार बढ्दै गएको छ । लागुऔषध नियन्त्रण ब्युरोले बरामद गरेकोमध्ये ३३ प्रतिशत भारतबाट आयातीत नियन्त्रित औषधिजन्य लागुऔषध रहेको पाइएको छ । 

ब्युरोको तथ्यांकअनुसार पाँच वर्षयता देशभर ३ अर्ब १६ करोड ८ लाख ९१ हजार दुईसय बराबरको लागुऔषध बरामद भएको छ । त्यसमध्ये नियन्त्रित औषधिजन्य लागुऔषध मात्रै १ अर्ब ९ करोड १४ लाख ७१ हजार २ सय रुपैयाँ बराबरको छ । 

भारतीय लागुऔषध कारोबारीले नेपाललाई लागुऔषध कारोबारको ‘हब’ बनाएका छन् । ब्युरो प्रमुख डिआइजी ठुले राईले लागुऔषध कारोबारमा अधिकांश भारतीय नागरिक पक्राउ पर्नुले नेपालमा उनीहरुको लागि लागुऔषध कारोबार गर्ने उपयुक्त बजार रहेको पुष्टी हुने बताए, नयाँ पत्रिकामा खबर छ ।