०२ असार २०८३, मंगलबार
काठमाडौं, १९ पुस–राजधानीको सानो गौचरणस्थित एक १४ तले अपार्टमेन्टमा भएको आगलागी नियन्त्रणमा आएको छ ।
बुधबार साँझ केएल रेसिडेन्ट अपार्टमेन्टको पहिलो तलमा आगलागी भएको हो । आगलागीबाट एक जनाको मृत्यु भएको महानगरीय प्रहरी बृत्त कमलपोखरीका डिएसपी कुलदीप चन्दले लोकान्तरलाई जानकारी दिए । उनका
अनुसार मृत्यु हुनेमा भारतको उडिया राज्यका वीरवल माझी रहेका छन् । उनको डढेको अवस्थामा शब भेटिएको बताइएको छ ।
आगलागी भएको कोठामा रंगको गोदाम रहेको र त्यहीबाट आगो सल्किएको प्रहरीले जनाएको छ ।
दमकलको सहयोगमा सुरक्षाकर्मी र स्थानीयले करीब एक घण्टाको प्रयासमा आगलागी नियन्त्रणमा लिएका थिए ।
आगलागीबाट भएको क्षतिको विवरण आउन बाँकी रहेको छ । १४ तल्ले अपार्टमेन्टमा एकाएक आगलागी भएपछि त्यहाँ बसेकाहरुबीच केहिबेर कोलाहाल मच्चिएको थियो ।
