०७ असार २०८३, आइतबार
काठमाडौं, २० पुस– सर्वोच्च अदालतका वरिष्ठतम न्यायाधीश दीपकराज जोशीले विहीबार न्यायपरिषद्ले उच्च अदालतको मुख्य न्यायाधीशमा गरेको सिफारिसप्रति असहमति जनाएका छन् ।
न्यायपरिषद्ले नहकुल सुवेदी, उदय चापागाई, यज्ञ वस्याल र हरिकुमार पोखरेललाई उच्च अदालतको मुख्य न्यायाधीशमा सिफारिस गरेको थियो । ‘यो सिफारिस उपयुक्त छैन । यसमा मेरो असहति छ’ न्यायाधीश जोशीले लोकान्तरसँग भने ।
उनले न्यायाधीश सिफारिसका लागि बसेको परिषद्को बैठकमै ‘नोट अफ डिसेन्ट(असहमति)’ जाहेर गरेका छन् ।
‘परिषद् बैठकले हेर्नुपर्ने सवै प्रकृया, परम्परा, वरिष्ठता लगायतका पक्षमा ख्याल गरेन यसैमा मेरो असहमति हो’ न्यायाधीश जोशीले थपे ।
न्यायापरिषद्को अध्यक्ष प्रधानन्यायाधीश हुन्छन् भने प्रधानन्यायाधीशपछि सर्वोच्चका वरियतामा दोस्रो नम्बरमा पर्ने न्यायाधीश न्यायापरिषद्को सदस्य हुन्छन् ।
न्यायाधीश जोशी प्रधानन्याधीश पछि सर्वोच्चका दोस्रो वरियताका न्यायाधीश हुन् ।
