इरान-अमेरिका सहमतिसँगै हर्मुज जलमार्गमा ढुवानी ट्राफिक बढ्न थालेको छ । समुद्री विश्लेषण फर्म विन्डवर्डको रिपोर्टअनुसार बुधबार १४ जहाजहरू हर्मुजबाट गुज्रेका हुन्, जुन यस महिनाको उच्चतम दैनिक संख्या हो । 

यो तथ्याङ्कले ढुवानी कम्पनीहरूले बिस्तारै विश्वास पुन: प्राप्त गर्दैछन् भन्ने संकेत गरेको अन्तर्राष्ट्रिय सञ्चार माध्यमहरूले जनाएका छन् । 

यद्यपि, हालको ट्राफिक अझै पनि युद्धपूर्वको स्तरभन्दा उल्लेखनीय रूपमा कम छ । न्यूयोर्क टाइम्सका अनुसार, द्वन्द्व शुरू हुनुभन्दा पहिले, दैनिक औसतमा लगभग १३० जहाजहरू हर्मुजबाट गुज्रन्थे।

धेरै ढुवानी कम्पनीहरू अझै पर्खिरहेका छन् । जहाज मालिकहरूले जहाजहरूमा आक्रमणको खतरा पूर्ण रूपमा समाप्त नभएसम्म हर्मुज हुँदै यात्रा नगर्ने बताएका छन् ।