१३ असार २०८३, शनिबार
काठमाडौं, ८ माघ — हालै एक व्यक्तिले भविष्यको सन् ६००० मा आफू पुगेको दाबी गरेका छन् । सामाजिक सञ्जालमा भाइरल भएको भिडियोअनुसार, एक पत्रकारले यी व्यक्तिसँग अज्ञात ठाउँमा अन्तर्वार्ता लिएका थिए ।
त्यसमा यी व्यक्तिले बताएका कुरा पत्याउन अलि गाह्रै पर्छ ।
उनका अनुसार, सन् १९९० मा सरकारले बनाएको एक गोप्य योजनामा उनी संलग्न थिए । सरकारका जासूसी निकायहरूसँग भविष्यमा जान सक्ने साधन (टाइम ट्राभल मशिन) उपलब्ध छन् । भविष्यको झलक पाउने सबै प्रविधि उनीहरूसँग छ ।
आफ्नो दाबीलाई पुष्टि गर्नका लागि ती व्यक्तिले एक फोटो पनि देखाएका छन् र उक्त फोटो उनले सन् ६००० मा खिचेको बताएका छन् । आफू बस्ने शहर भविष्यमा तस्वीरमा देखाएजस्तो हुने उनको भनाइ छ ।
भिडियोमा उक्त व्यक्ति भन्छन्, ‘मलाई थाहा छ, भविष्यमा पुग्ने कुरालाई तपाईंहरू पत्याउनुहुन्न । तर यो मेरो समस्या होइन । विश्वास गर्नुस्, मैले यी सबै कुरा देखेको छु । प्रविधिले हामीलाई त्यहाँ पु–याउन सक्छ ।’
भविष्यको कथा बताउने यी मानिस फेरि क्वाँ क्वाँ रुन थाल्छन् । उनले आफ्नो नजिकको साथी भविष्यमा गएको र फर्किन नसकेको बताएका छन् । साथीलाई कुनै बेलामा भेट्न सकिने उनको आशा छ ।
भिडियोको अन्त्यमा व्यक्तिले भनेका छन्, ‘अहिले तपाईंहरू यसमा विश्वास गर्न सक्नुहुन्न होला तर सन् २०२८ मा भविष्यमा जान सहज हुनेछ ।’
सामाजिक सञ्जालमा यस पोस्टमाथि अनेकौं प्रतिक्रिया आइरहेका छन् । धेरैले यो व्यक्तिलाई पागल र सनकी भनेका छन् ।
हेरौं भिडियो :
एजेन्सी
