०४ साउन २०८३, सोमबार
काठमाडौं, १० माघ — चारा घोटालाको तेस्रो मुद्दामा बुधवार लालु प्रसाद यादवलाई पाँच वर्षको कारावास सजाय सुनाइएको छ ।
सीबीआईको विशेष अदालतका न्यायाधीश एसएस प्रसादले चाईबासा कोषागारबाट अवैध तरिकाले निकालिएको ३३.६७ करोड भारुको मुद्दामा यो फैसला सुनाएका हुन् ।
अदालतले बिहारका पूर्वमुख्यमन्त्री जगन्नाथ त्रिपाठीलाई पनि दोषी ठहर गरेको छ । उनले पनि पाँच वर्षको सजाय पाएका छन् ।
यस मुद्दामा ६९ वर्षीय लालु यादवबाहेक ५० आरोपितहरूलाई पनि अदालतले दोषी ठहर गरेको छ । मुद्दामा ६ आरोपितले सफाइ पाएका छन् ।
एजेन्सी
