नजिकैका आफन्तले उनीहरूलाई कीर्तिपुर भत्केपाटीस्थित बेबी लाइफ होममा संरक्षणका लागि छोडिदिन्छन् । बेबी लाइफमा छोडिसकेपछि बच्चाहरू घर नफर्कियोस् भन्ने चाहन्छन् आफन्तहरू । त्यसैले बेबी लाइफमा छोडिसकेपछि आफन्तहरू पनि कहिले हेर्न र भेट्न समेत पुग्दैनन् । संक्रमित बालबालिकालाई उनका परिवारले छाडेपनि उनीहरुका भविष्य बनाउन राजकुमार पुन र उमा गुरुङ लागेका छन् ।
यहाँ आएका बालबालिकाको कहानी मर्मस्पर्शी छन् । बालक मस्तिष्कमा साथीभाइ र समाजले रोपेका तीखा बाण छन् ।

सबै बच्चाका आ–आफ्नै सपना छन् । कोही इन्जिनियर, कोही समाजसेवी, कोही नर्स, कोही डाक्टर बन्ने सपना बुनेका छन् उनीहरूले । गेट बाहिर निस्केर बाहिरी संसारसँग घुलमिल हुन चाहन्छन् संक्रमित बालबालिका । अरू सामान्य बालबालिका झंै रमाउन चाहन्छन् उनीहरू । सबैको माया पाएर धेरै वर्ष बाँच्न चाहन्छन् ।