२२ जेठ २०८३, शुक्रबार
काठमाडौँ, २४ फागुन - अखिल (क्रान्तिकारी)ले आफ्ना तत्कालीन उपाध्यक्ष एवं शहीद वेनोज अधिकारीका नाममा स्थापित पुस्तकालयका लागि रु एक लाख एक हजार सहयोग गरेको छ ।
सत्रौँ वेनोज स्मृति दिवसका सन्दर्भमा आज आयोजित कार्यक्रममा अखिल (क्रान्तिकारी)का अध्यक्ष रञ्जित तामाङले वेनोज प्रतिष्ठानकी अध्यक्ष हरिमायालाई सो रकम हस्तान्तरण गर्नुभयो । हरिमाया शहीद वेनोज अधिकारीका आमा हुन् ।
वेनोजको जन्मस्थल तनहुँको क्यामिन भन्ने ठाउँमा प्रतिष्ठानले दुईतले पक्की भवनमा पुस्तकालय बनाउन लागेको हो । पुस्तकालय निर्माण कार्य अन्तिम चरणमा पुगेको अध्यक्ष हरिमायाले जानकारी दिनुभयो ।
राज्यले राहतस्वरुप दिएको रकम, निजी स्रोत र अन्य सहयोगबाट सो पुस्तकालय बनाउन लागिएको पनि उहाँले बताउनुभयो ।
क्रान्तिकारीका केन्द्रीय सदस्यबाट रु एक हजारका दरले संकलित उक्त रकम प्रतिष्ठानलाई हस्तान्तरण गरिएको क्रान्तिकारीका उपाध्यक्ष सुरेन्द्र बस्नेतले जानकारी दिनुभयो ।
