०८ साउन २०८३, शुक्रबार
काठमाडौं, २७ फागुन– राजधानीस्थित वीर अस्पतालमा उपचाररत रेशम चौधरीको स्वास्थ्य अवस्थाबारे राष्ट्रिय जनता पार्टी नेपालका नेता राजकिशोर यादवले जानकारी लिएका छन् ।
चौधरीको स्वास्थ्य अवस्था बारे जानकारी लिन आइतबार बिहान अस्पताल पुगेका यादवले स्वास्थ्य अवस्था बारेमा जानकारी लिँदै उनको रिहाइ र शपथ बारे सरकारसँग कुराकानी भइरहेको बताए ।
यादवले भने,‘तपाई पनि युवा म पनि युवा । यो राजनीतिक लडाईँ हो । यो लडाईँमा सहयोग चाहिन्छ ।’
कैलाली कारागारमा अनशन बसेका चौधरीको स्वास्थ्यमा समस्या आएपछि हिजो उपचारका लागि वीर अस्पताल ल्याइएको हो । उनीसहतिका थुनुवाले निर्वाचित भएको प्रमाणपत्र पाउनु पर्ने लगायतका माग राख्दै अनशनमा बसेका थिए । उनी कैलाली १ बाट प्रतिनिधिसभा निर्वाचित सांसद हुन् ।
