लोकान्तर संवाददाता

काठमाडौं, १९ माघ –फ्रान्सेली कम्पनी ओवरर्थर फिडुसियारे एसएएसले नेपाली १० रुपैयाँको २४ करोड थान नयाँ नोट छाप्ने जिम्मा पाएको छ । नेपाल राष्ट्र बैंक, मुद्रा व्यवस्थापन विभाग, थापाथलीका अनुसार उक्त कम्पनीलाई नेपाली १० रुपैयाँका उक्त परिमाणका नयाँ नोटको डिजाइन, छपाई तथा आपूर्ति गर्न दिने सम्झौता भएको छ ।

बैंकले यही माघ १३ गते नोट छपाईका लागि उक्त कम्पनीसँग ३० लाख ६४ हजार ८ सय युरोको खरिद सम्झौता गरेको हो ।

बैंकले गत मंसिर ३ गते सार्वजनिक सूचना जारी गरी बोलपत्र आह्वान गरेको थियो । बोलपत्रमा आवेदन दिएका कम्पनीमध्ये सबैभन्दा थोरै रकममा बोलपत्र पेस गर्ने उक्त कम्पनीलाई नोट डिजाइनिङ, छपाई र आपूर्तिको जिम्मेवारी दिइएको मुद्रा व्यवस्थापन विभागले जनाएको छ ।