०३ साउन २०८३, आइतबार
काठमाडौं, १३ चैत-इण्डियन प्रिमियर लिग क्रिकेट प्रतियोगिता (आईपीएल) खेल्न नेपाली क्रिकेटर सन्दीप लामिछाने दिल्ली प्रस्थान गरेका छन् ।
आईपीएल टीम दिल्ली डेयरडेभिल्समा अनुबन्धित भएका सन्दीप मंगलबार दिल्ली प्रस्थान गरेका हुन् । दिल्लीले सन्दीपलाई २० लाख भारुमा क्लबमा अनुबन्धन गरेको हो ।
सन्दीप आईपीएलमा सहभागी हुन लागेका पहिलो नेपाली खेलाडी हुन् । यसअघि शक्ति गौचनले आईपीएल टोली राजस्थान रोयल्सका लागि ट्रायल दिए पनि उनी छनोट हुन सकेका थिएनन् ।
छोटो फर्म्याटको क्लब क्रिकेटमा आईपीएल विश्वकै सबैभन्दा चर्चित प्रतियोगिता हो । आईपीएलमा विश्वकै चर्चित क्रिकेट हस्तीहरू सहभागी हुन्छन् ।
आफू दिल्ली प्रस्थान गरेको जानकारी सन्दीपले ट्वीटरमार्फत दिएका छन् ।
Delhi Very Soon 🏏 🛫 @DelhiDaredevils #Dil_Dilli 😀 pic.twitter.com/6jzwdm2RCj
— Sandeep Lamichhane (@IamSandeep25) March 27, 2018
