नवलपरासी, १७ चैत– नवलपरासी (पूर्व) को कावासोती नगरपालिका १ र वेदचुली नगरपालिका ९ जोड्नेगरी निर्माण भइरहेको पुलबाट जनप्रतिनिधिकै संलग्नतामा सिमेन्ट चोरी भएको छ ।

निर्माणाधीन लोकाहा भोरीखोला फूलका लागि ल्याइएको सिमेन्ट वडाध्यक्षको संलग्नतामा चोरी भएको स्थानियवासीको आरोप छ । पुल निर्माका लागि राखिएको ९० बोरा सिमेन्ट कावासोती नगरपालिका(१ का अध्यक्ष नारायण पन्तको संलग्नतामा निर्माणस्थलमा खटिएका सुपरभाइजर गोपाल थापासहितको व्यक्तिले चोरेको स्थानियको आरोप छ । 

सिमेन्ट चोरी भएपछि पुल निर्माण प्रभावित भएको छ । चोरी गरेको सिमेन्ट स्थानिय कमल भूसालको घरमा फेला परेको छ । सिमेन्ट वडाध्यक्ष पन्तकै वडास्थित रिट्ठेपानीमा निर्माण हुन लागेको बाटोको प्रयोगका लागि लगेको भूसालले बताए । 

भूसाल बाटो निरमाण समितिका कोषाध्यक्ष हुन् भने वडाध्यक्ष पुल निर्माण समितिका सचिव हुन्। भूसालले भने ९ सय २० रूपैयाँ पर्ने सिमेन्ट ८ सयमा पाएपछि किनेको बताए ।, नयाँ पत्रिकामा खबर छ ।