०७ असार २०८३, आइतबार
सिन्धुपाल्चोक, २६ चैत– सिन्धुपाल्चोकको मेलम्चीबाट पिपलटार झिल्केतर्फ जाँदै गरेको जिप गएराति दुर्घटना हुँदा तीनजनाको मृत्यु भएको छ । मृत्यु हुनेमा मेलम्ची नगरपालिका–९ पिपलटारका अन्दाजी वर्ष ३५ का सुरेश तामाङ, वर्ष ४२ की मोति अधिकारी र वर्ष १३ का कमल स्याङ्बो रहेका छन् ।
सुरेश र कमल मामा भान्जा हुन् । सुरेश गाडी धनी र चालक हुन् । अधिकारीले घर निर्माणका लागि निर्माण सामग्री लिएर जाँदै गरेको जिप दुर्घटनामा परेको हो । बिहान बाटो हिड्नेले जिप दुर्घटनामा परेको देखेपछि प्रहरीलाई खबर गरेका थिए ।
बा १८ च ४६९९ नम्बरको बोलेरो जीप सडकबाट करिब २५० मिटर तल भिरमा खसेको प्रहरीले जानकारी दिएको छ । दुर्घटनाको कारण खुल्न सकेको छैन ।
