काठमाडौं, २८ चैत–एनआईसी एशिया बैंकले एनआईसी एशिया लघुवित्त वित्तीय संस्थाको सञ्चालक समिति अध्यक्षमा अर्जुन राज खनियालाई मनोनित गरेको छ । एनआईसी एशिया लघुवित्त वित्तीय संस्था  बैंकको पूर्ण स्वामित्वमा रहेको सहायक कम्पनी हो । 
 मनोनयनसँगै खनियाले नेपाल राष्ट्र बैंक, बैंक तथा वित्तीय संस्था नियमन विभागका कार्यकारी निर्देशक नारायण प्रसाद पौडेलबाट पद तथा गोपनियताको सपथ   लिएका छन् । 
 खनिया एन आई सी एशिया बैंकको मुख्य जनसम्पर्क अधिकृतको रुपमा कार्यरत हुनुका साथै बैंकको योजना तथा रणनीति तर्जुमा एवं कार्यान्वयनमा  कुशल भूमिका निर्वाह गर्दै आएका छन् । 
जाजरकोटको  खलंगामा केन्द्रिय कार्यालय स्थापना गरि २०७४ मंसिर १२ गते देखि सञ्चालनमा आएको लघुवित्त वित्तीय संस्थामा बैंकको तर्फबाट मनोनित अन्य सञ्चालकहरुमा दिनेश भारी, विशाल सिग्देल,  तेज राज तिमिल्सिना र  पदम ठकुल्ला रहेका छन् ।