मुम्बई,२७ मंसिर– बलिउड अभिनेत्री दीपिका पादुकोणको नयाँ आउन लागेको पद्मावती फिल्ममा शाहिद कपूरले रोमान्स दृश्यहरु नदिने भएका छन् । फिल्ममा हुने रोमान्स दृश्यलाई लिएर पत्नीले आपत्ति जनाउने देखिएपछि शाहिदले दीपिकासँग रोमान्स दृश्य दिन मनाही गरेका हुन् ।
बलिउड निर्देशक सन्जय लीला भंसालीले निर्माण गर्न लागेकोे पद्मावती फिल्ममा दीपिका पादुकोण पतिका रुपमा राजा रतन रावल सिंहको भूमिकामा शाहिद कपुरले खेल्दै छन् ।
शाहिद पत्नी मीरा राजपूतले पति शाहिदलाई पद्मावतीमा रोमान्स दृश्यमा नदिन दबाब दिएकी थिइन् ।
शाहिदले फिल्ममा पत्नीको चाहना विपरित दीपिका पादुकोणसँग रोमान्स दृश्य नदिने खबर छ । शाहिदका अनुसार फिल्ममा रोमान्स दृश्यमा सहभागी हुँदा आफ्नी पत्नीको प्रतिक्रिया राम्रो नहुने ठानेर उनले फिल्ममा दीपिकासँग रोमान्स दृश्य दिन अस्वीकार गरेको खबर छ ।
हालै शाहिदले यस विषयमा फिल्मका निर्देशक सन्जय लीला भंसालीसँग छलफल गरेका छन् । फिल्ममा दीपिका र शाहिद बीचको रोमान्स दृश्य सकेसम्म कम गरिने तयारी भइरहेका खबर छ ।
शाहिदको यस निर्णयबाट शाहिद पत्नी मीरा निकै खुशी भएको बताइएको छ । फिल्ममा रणवीर सिंह अलाउदीन खिलजीको भूमिकामा देखा पर्दैछन् जो दीपिको सुन्दरता देखेर मोहित हुन्छन् । पद्मावती फिल्ममा तीनै कलाकारको भूमिका सशक्त रहेको छ । एजेन्सी
