काठमाडौं, २७ मंसिर — उत्तर कोरियाका सर्वोच्च नेता किम जोङ उनले पुरुषहरूका लागि यौन उत्तेजना बढाउने औषधी बनाउन लगाएको खुलासा भएको छ ।
आफ्नो देशका वैज्ञानिकहरूलाई यौन दुर्बलता दूर गर्ने यस्तो औषधी बनाएर पुरुषले ओछ्यानमा राम्रो प्रदर्शन गरून् भन्ने किमको चाहना रहेको बुझिएको छ ।
ती औषधीहरू बेलायतीले प्रयोग गर्ने गरेका छन् । औष्धीको प्याकेजमा अंग्रेजी भाषामा निर्देशन लेखिएको पाइन्छ ।
एउटा झोल टनिक त समुद्री जीवबाट बनेको हो जसले यौन दुर्बलतालाई हटाउँछ ।
औषधीले शारीरिक र मानसिक थकान पनि दूर गर्ने बताइएको छ ।
अर्को औषधी भने अधबैंसे मान्छेहरूप्रति लक्षित छ र यो सर्पको शरीरबाट बनाइएको हो ।
यौन सबलता दिनुका अलावा यसले क्षयरोग पनि ठीक पार्ने बताइएको छ ।
उत्तर कोरियाली वैज्ञानिकहरूले रोगप्रतिरोधात्मक शक्तिलाई बढाउने अनि क्यान्सर निको पार्ने ५० थरी औषधी बनाएको दाबी गरेका छन् ।
यी औषधीहरूले प्रयोगकर्तालाई एडिक्ट नबनाउने र लामो समय प्रयोग गरेपनि कुनै साइड इफेक्ट नहुने बताइएको छ ।
वैज्ञानिकहरूका अनुसार कामदारलाई बढी उत्पादनमूलक बनाउनका लागि दिमागलाई पोषण दिने औषधी पनि विकसित गरिएको छ ।
मिरर युके
