२३ जेठ २०८३, शनिबार
काठमाडौं, ११ बैशाख– आईपीएल क्रिकेट अन्तर्गत सोमबार अबेर सम्पन्न खेलमा दिल्ली देयरदेभिल्स किंग्स इलेभेन पन्जावसँग पराजित भएको छ । दिल्ली किंग्स इलेभेन पन्जावसँग ४ रनले पराजित भएको हो ।
दिल्लीमा नेपाली युवा क्रिकेटर सन्दीप लामिछाने समेत भएपनि आजको खेलमा समेत उनलाई अन्तिम ११ मा समावेश गरिएको थिएन। कमजोर बलिङका कारण ५ मध्ये ४ खेलमा पराजित भएको दिल्लीले लेग स्पिनर सन्दीपलाई मौका दिने चर्चा थियो । तर उनी बिनै खेलेको दिल्ली पराजित हुन पुग्यो ।
पहिले ब्याटिङ गरेको किंग्स इलेभेन पन्जावले २० ओभरको खेलमा ८ विकेट गुमाउँदै १४२ रन बनायो ।
१४३ रनको लक्ष्यका साथ जवाफी ब्याटिङ गरेको दिल्ली पूरै २० ओभर खेल्दा १३९ रनमा अलआउट भयो ।
किंग्स इलेभेन पन्जावको जितमा करुण नैरले सर्वाधिक सर्वाधिक ३४ रनको योगदान दिए ।
