०९ साउन २०८३, शनिबार
काठमाडौं, १३ वैशाख–नेपालका पहिलो कम्युनिष्ट प्रधानमन्त्री एवं नेकपा एमालेका पूर्व अध्यक्ष मनमोहन अधिकारीको १९औँ स्मृति दिवस आज विभिन्न कार्यक्रम गरी मनाइँदैछ ।
विक्रम संवत् १९७८ सालमा काठमाडौंमा जन्मिएका अधिकारीको २०५६ साल वैशाख १३ गते निधन भएको थियो । २०५१ को मध्यावधि निर्वाचनपछि नौं महिनासम्म प्रधानमन्त्री भएका अधिकारी आफ्नो गाउँ आफै बनाउँ र वृद्धभत्ता कार्यक्रमका कारण लोकप्रिय बन्न पुगेका थिए ।
उनको नेतृत्वको ९ महिने सरकारले लोकप्रिय काम गरेको भनेर अहिले पनि चर्चा हुने गरेको छ । स्वर्गीय अधिकारी नेपाली राजनीतिमा निष्ठा र सदाचारका प्रतीक मानिन्छन् ।
‘भारत छोड’ आन्दोलनको क्रममा उनी भारतको बनारसमा जेल पनि परे । जेलमा भारतीय कम्युनिष्ट नेताहरुसँगको सम्पर्कमा आएपछि उनी कम्युनिष्ट पार्टीमा संगठित भएका हुन् ।
२००३ सालमा विराटनगरमा भएको मजदूर हडतालको नेतृत्व पनि उनले सम्हाले । लामो राजनीतिक संघर्षको क्रममा अधिकारीले १७ वर्ष जेल जीवन बिताए ।
