०६ असार २०८३, शनिबार
भारतीय सरकारले ल्याएको १२ वर्षभन्दा कम उमेरका बालिकाको बलात्कार गर्नेलाई फाँसीको सजाय दिने नयाँ कानुनको बलिउड अभिनेत्री अनुष्का शर्माले समर्थन गरेकी छन् ।
प्रायः सेलिब्रेटी सामाजिक मुद्दामा बोल्न डराउँछन् । तर, अनुष्काले भने आफ्नो धारणा स्पष्ट पारिन् । जसकारण अहिले उनले वाहवाही पाइरहेकी छिन् ।
अनुष्काले हालै एक कार्यक्रममा कठुवा सामूहिक बलात्कारबारे धारणा राख्दै बालिका बलात्कारीका लागि सरकारले ल्याएको नयाँ कानुनको समर्थनमा आफू रहेको बताएकी हुन् ।
उनले बलात्कारजस्तो जघन्य अपराधलाई निरुत्साहित पार्न कडा कानुन बनेकोमा खुसी व्यक्त गरेकी छिन् ।
