जनकपुर, २५ वैशाख– भारतीय प्रधानमन्त्री नरेन्द मोदी दुई दिने नेपाल भ्रमणका लागि आज आउँदैछन् । मोदीले भ्रमणको शुरुवात जनकपुरबाट गर्ने छन् । मोदीले जनकपुरको रामजानकी मन्दिरमा पूजा अर्चना गर्नेछन् भने

जनकपुरको बाह्रविघा मैदानमा अभिनन्दन सकिएपछि मोदी काठमाडौं जाने छन् । 

मोदीलाई स्वागत गर्न रक्षामन्त्री ईश्वर पोखरेल र प्रदेश २ का मुख्यमन्त्री लालबाबु राउतले गर्ने छन् । 

प्रधानमन्त्री केपी शर्मा ओलीले भारतीय समकक्षीलाई जानकी मन्दिरमा स्वागत गर्ने र दुवै प्रधानमन्त्रीले पूजा अर्चाना गर्ने कार्यक्रम रहेको छ । 

मोदीको भ्रमणका कारण जनकपुरको सुरक्षा व्यवस्था कडा बनाइएको छ । 

मोदीलाई हेर्न बाह्रविघामा सर्वसाधारणको घुँइचो लागेको छ । सर्वसाधारण विहानै देखि उक्त क्षेत्रमा पुगेका छन् । प्रवेशद्वार सानोभएका कारण मानिस मैदानमा प्रवेश गर्दा भएको भीडलाई नियन्त्रण गर्न प्रहरीले सामान्य वल प्रयोगसमेत गरेको छ । 

मोदीको सवारी हुने रुटका पसलहरु विहानैदेखि बन्द छ । जनकपुरका विभिन्न चोकहरुमा मोदीको स्वागतका लागि गेटहरु बनाइएको छ ।