मुक्तिनाथ, २९ बैशाख - नेपालको राजकीय भ्रमणमा रहेका  भारतका प्रधानमन्त्री नरेन्द्र मोदी शनिबार बिहान  मुक्तिनाथ दर्शनका लागि मुस्तांग पुगेका छन् ।  भारतीय वायुसेनाको विशेष विमान मार्फत मोदी मुक्तिनाथ पुगेका हुन् ।

उनको स्वागतका लागि स्थानीयवासी परम्परागत वेशभूषासहित उपस्थित भएका थिए  । 
उनलाई  मुक्तिनाथका पीठाधिक स्वामी कमलनयानार्यले पूजाआज गराउने कार्यक्रम छ।
 
 मोदी आउदा मुक्तिनाथ परिसर तल रहेको रानीपौवा बजारदेखि नै सुरक्षा जाँच कडा पारिएको छ । 
मुक्तिनाथमा पूजापछि उनी  बिहान करीब १०ः३० बजे काठमाडौँ फिर्ता हुनेछन  । प्रधानमन्त्री मोदीलाई शनिवार दिउँसो २ः४५ बजे काठमाडौँ महानगरपालिकाले नागरिक अभिनन्दन गर्नेछ । दुईदिने नेपालको राजकीय भ्रमण पूरा गरी उनी आजनै नै स्वदेश फिर्ता हुने कार्यक्रम छ |