२२ जेठ २०८३, शुक्रबार
काठमाडौं, ७ जेठ– भारतमा सरकारी पसलमा किनेको रक्सी पिएका १२ जनाको मृत्यु भएको छ । कानपुरस्थित सरकारी पसलमा किनेको विषालु रक्सीका कारण उनीहरुको मृत्यु भएको हो ।
शनिबार ६ जनाको कानपुर नगरको सचेन्डी क्षेत्रमा मृत्यु भएको थियो भने आइतबार कानपुरको ग्रामीण क्षेत्र रुरामा ६ जनाको मृत्यु भएको हो । विषालु रक्सीका कारण अरु धेरै मानिस बिरामी भएका छन् र उनीहरुको कानपुरमा रहेको हेलट अस्पतालमा उपचार भइरहेको छ ।
सरकारले चार जनालाई पक्राउ गरेको छ । सरकारले ज्यान गुमाउनेका परिवारलाई दुई लाख भारु तथा बिरामीलाई ५० हजार भारु दिने घोषणा गरेको छ ।
सुरक्षित मानिएको रक्सीमा घरेलु विषालु रक्सी मिसाएर बेचेका कारण यो घटना भएको प्रहरीले जनाएको छ ।
