माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
काठमाडौं, ७ जेठ–धादिङका ६९ वर्षीय नवराज श्रेष्ठलाई सास फर्न गाह्रो भएपछि शुक्रबार बिहान उनका छोरा गोविन्दले वीर अस्पतालको आकस्मिक सेवा विभागमा लगे ।
दम र फोक्सोमा क्यान्सर भएकोले श्वासप्रश्वासमा समस्या भएका नवराजलाई चिकित्सकले शुक्रबार साँझ नै आईसीयूमा राखेर उपचार गर्नुपर्ने बताए । वीर अस्पतालमा आईसीयू सेवा रहेपनि सबै आईसीयू शय्याहरु खाली नभएको अस्पतालले जनायो । वीर अस्पतालमा आईसीयू नपाएपछि गोविन्दले काठमाडौंका अन्य सरकारी अस्पतालहरुमा आईसीयू छ, छैन बुझे तर उनले राजधानीका कुनै पनि सरकारी अस्पतालमा आईसीयू पाएनन् ।
‘दिनभरी तीन, चार वटा सरकारी अस्पतालमा आईसीयू छ कि बुझे तर कुनै पनि अस्पतालमा बेड रहेनछ,’ गोविन्दले लोकान्तरसँग भने, ‘डाक्टरले आईसीयूमा राखेर उपचार गर्नुपर्ने बताएका छन् ।’
आईसीयूमा खाली छैन भनेर डाक्टरहरुले मेडिकल कलेजमा आईसीयू खाली हुनसक्ने बन्दै उनलाई बुझ्न सल्लाह दिए । तर गोविन्दले आफ्नो आर्थिक अवस्था कमजोर भएकोले मेडिकल कलेज र नीजि अस्पतालमा लान नसक्ने बताएपछि डाक्टरले अंकोलोजी वार्डमा भर्ना गर्ने व्यवस्था गरिदिएको बताए ।
गोविन्दले बुवालाई निजी अस्पतालमा लैजान आर्थिक अवस्थाले नधान्ने बताएपछि अस्पतालले आईसीयूमा राख्नुपर्ने बिरामी भएपनि अंकोलोजी वर्डमा भर्ना गरिदिएको बताए । नवराजको स्वास्थ्य अवस्था विग्रिदै गएको भन्दै चिकित्सकले आईसीयूनराखे बिरामीको अवस्था झनै विग्रने बताइरहेका छन् ।
सरकारी अस्पतालमा आईसीयू नपाएपछि गोविन्दले बावुलाई बाध्य भएर वीर अस्पतालबाट नीजि अस्पतालमा उपचार गराउन लगे ।
०००
धादिङको ज्वालामुखी गाउँपालिकाका नवराज श्रेष्ठले तीन वर्ष अघिदेखि दमको औषधि खादै आएका थिए । श्वासप्रश्वासमा समस्या देखिएपछि तीन वर्ष अघि छोराले काठमाडौंको टिचिङ अस्पतालमा ल्याए ।
चिकित्सकहरुले दमको रोग रहेको बताएपछि दैनिक दमको औषधि खादै आएका थिए । गत चैत महिनामा श्वासप्रश्वासमा समस्या बढ्नुका साथै शरीर समेत सुन्निन थालेपछि गोविन्दले बुवालाई फेरि टिचिङ अस्पतालमा ल्याए । टिचिङ अस्पतालमा भर्ना गरेको १५ दिन पछि अस्पतालले क्यान्सरको लक्षण रहेको भन्दै वीर अस्पतालको चेष्ट युनिटमा स्वास्थ्य परीक्षण गराउनु भनेर रिफर गरीदियो ।
वीर अस्पतालमा एक साता भर्ना नै गरेर स्वास्थ्य परीक्षण गराएपछि श्रेष्ठलाई फोक्सोको क्यान्सर भएको पत्ता लाग्यो । क्यान्सर भएको पत्ता लागेपनि कुन स्टेजको क्यान्सर हो भन्ने परीक्षण गराउन मात्रै ८० हजार खर्च भएको गोविन्दले बताए ।
आफ्नो आर्थिक अवस्थाले बुवाको उपचार गराउन नसक्ने बताएपछि वीर अस्पतालका चिकित्सकले गोविन्दलाई गाउँपालिका र जनस्वास्थ्य कार्यलयको सिफारिस बनाउन सल्लाह दिए । गोविन्दले ज्वालामुखी गाउँपालिका र जिल्ला जनस्वास्थ्य कार्यलय धादिङबाट उपचारमा सहुलियतको लागि सिफारिस बनाएर ल्याए ।
उपचार खर्चमा सहुलियत पाउने आसा गरेर गोविन्दले सरकारी अस्पतालमा आईसीयू नपाएपछि बुवाको उपचारका लागि नीजि अस्पतालमा महंगो शुल्क तिरेर आईसीयूमा उपचार गराउन पर्यो ।
सुरुमै २५ हजा डिपोजिट गर्नु भनेको थियो, १० हजार मात्रै तिरेर आईसीयूमा भर्ना गरायौं,’ गोविन्दले मलिन स्वरमा भने, ‘आइतबार बिहान अस्पतालले पैसा मागेको थियो, गाउँबाट निशुल्क उपचार हुन्छ भनेर कागजपत्र बनाएर ल्याए त्यो पनि काम लागेन । अब अस्पतालमा कसरी पैसा तिर्ने थाहा छैन ।’
निजी अस्पतालमा उपचार शुल्क तिर्न समस्या भएको भन्दै उनले आईसीयू राख्नुपर्ने समय सक्किएपछि सरकारी अस्पतालमा मै लगेर बुवाको थप उपचार गराउने बताए ।
०००
यस्तो समस्या धादिङका नवराजको मात्रै होइन । नवराज जस्तै वीर अस्पतालको आकस्मिक कक्षमा उपचारका लागि आइपुग्ने अघिकांस बिरामीहरु आईसीयूकै लागि निजी अस्पतालमा महंगो शूल्क तिर्न बाध्य छन् ।
वीर अस्पतालमा बिरामीको चाप अनुसार आइसियुको शय्या कम रहेको वीर अस्पतालका निर्देशक डाक्टर भूपेन्द्र कुमार बस्नेतले बताए ।
‘वीर अस्पतालमा बिरामीको चाप अनुसार आईसीयूको संख्या कम छ । ३० ओटा आईसीयू वेड छ,जसमा पनि फरफरक रोग अनुसारको छ, जनरल आईसीयू वेड ११ वटा मात्रै छ,’ निर्देशक बस्नेतले लोकान्तरसँग भने, ‘जनरल आईसीयू प्राय खाली नै हुँदैन,आईसीयूको वेड कम हुँदा बिरामीलाई असुविधा नै छ ।’
वीर अस्पतालमा आईसीयू खाली नहुँदा दैनिक ३, ४ जना बिरामीलाई अन्य अस्पताल रिफर गर्नुपरेको बस्नेतले बताए । स्वास्थ्य मन्त्रालयले सरकारी अस्पतालमा बिरामीको चाप अनुसार आईसीयू शय्याको संख्या नबढाएसम्म आईसीयू अभावको समस्या समाधान हुन नसक्ने बस्नेतको तर्क छ ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...