०४ साउन २०८३, सोमबार
काठमाडौं, १० जेठ– बजेट सार्वजनिक हुने मिति नजिकिँदै जाँदा कर्मचारीहरुले तलब बढाउन सरकारलाई दबाव दिएका छन् ।
निजामती कर्मचारीको आधिकारिक ट्रेड युनियनले अर्थमन्त्री डाक्टर युवराज खतिवडासँग भेटगर्दै कर्मचारीको तलब वृद्धिको माग गरेको हो ।
अर्थमन्त्री खतिवडालाई १८ बुँदे ज्ञापनपत्र बुझाउँदै ट्रेड युनियनले कर्मचारीको तलब भत्ता बृद्धिको माग गरेका हुन् । उनीहरुले कार्यालय सहयोगीको ३० हजार र मुख्य सचिवको तलब मासिक डेढ लाख बनाउन माग गरेका हुन् ।
अहिले कार्यालय सहयोगीको तलब २० हजार र मुख्य सचिवको मासिक ६० हजार हाराहारीमा तलब रहेको छ ।
उनीहरुले पोशाक भत्ता बृद्धिको पनि माग गरेका छन् ।
कर्मचारी ट्रेढ युनियनको मागमा आफू सकारात्मक भएपनि ढुकुटीमा पैसा अभाव भएको समस्या अर्थमन्त्री खतिवडाले राखेका थिए ।
अर्थमन्त्रीले आफूपनि पूर्व कर्मचारी भएको भन्दै कर्मचारीको समस्या आफूले बुझेको बताएका थिए ।
