३० असार २०८३, मंगलबार
धनगढी, १३ जेठ– प्रदेश नम्बर ७ को अस्थायी राजधानी समेत रहेको कैलाली सदरमुकाम धनगढी बजारमा लुटेराहरुले गोली हानेर ९ लाख रुपैयाँ लुटेका छन् ।
धनगढीको मेनरोडमा रहेको आईएमईबाट झिकेको ९ लाख रुपैयाँ बैंकमा जम्मा गर्न जाँदा लुटिएको हो ।
धनगढी–३ का निर्मल कार्की आईएमईबाट पैसा झिकेर बैंकमा जम्मा गर्न जाँदै थिए । बैंक जाँदा बाटोमा नै लुटेराहरुले उनीमाथि गोली प्रहार गरी पैसा लुटेका हुन् ।
गोली कसले हानेको हो भन्नेबारेमा केही खुल्न सकेको छैन । प्रहरीले लुटेराको खोजी भइरहेको जनाएको छ ।
गोली लागेर घाइते भएका कार्कीको धनगढीस्थित सेत अञ्चल अस्पतालमा उपचार भइरहेको ।
