०१ असार २०८३, सोमबार
काठमाडौं १३ जेठ– प्रधानमन्त्री केपी शर्मा ओलीले अधिनायकवाद फालेर गणतन्त्र आइसकेपछि फेरि अधिनायकवाद आउँछ कि भनेर आशंका गर्न जरुरी नभएको बताएका छन् ।
अधिनायकवाद फाल्नेले ल्याउँछ भनेर यस्तो अनौठो कुरा कसले सिकाउछ भन्दै उनले प्रश्न गरे ।
सरकारका नीति तथा कार्यक्रममाथि राष्ट्रिय सभामा उठेका प्रश्नमाथि जवाफ दिने क्रममा ओलीले लोकतन्त्रप्रति सरकारको प्रतिबद्धतामा प्रश्न उठाउन आवश्यक नभएको बताएका हुन् ।
‘लोकतन्त्रका लागि लडेको ५४ वर्ष चल्दैछ, १४ वर्ष जेल बसेको छु लोकतन्त्रका लागि । बहुलद आएपछि फाट्ट फुट्ट चान्समा डान्स गरेर यहाँ आएको होइन’ ओलीले भने, ‘अधिनाकयवाद कुन बाटो आउँछ ? कतावाट ? फाल्नेले ल्याउँछ भन्ने कुरा के अनौठौ, कसले सिकाउँछ नेपालमा यस्तो कुरा ?’
सांसदहरुले उठाएका प्रश्नको जवाफमा ओलीले सरकारका नीति तथा कार्यक्रम कार्यान्वयन हुने बताए । ‘गफै त हो सम्धी भनेजस्तो गफ गर्नका ल्याइएका कार्यक्रम होइन’ ओलीले भने ।
