काठमाडौं, १४ जेठ– केपी ओली नेतृत्वको सरकार संविधान संशोधन गर्न सहमत भएको छ । 

सरकारको नेतृत्व गरेको दल नेपाल कम्युनिष्ट पार्टी (नेकपा) ले संघीय समाजवादी फोरमसँग दुई बुँदे सहमति गर्दै सहमतिका आधारमा संविधान संशोधन गर्ने बताएको हो । 

प्रधानमन्त्रीको सरकारी निवास बालुवाटारमा प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल र संघीय समाजवादी फोरमबीच सहमति पत्रमा हस्ताक्षर भएको छ । 

संघीय समाजवादी फोर नेपालले आन्दोलनका क्रममा उठाएका माग र मुद्धाहरुका सम्वन्धमा संविधान संशोधनसँग सम्बन्धित विषयहरु आपसी सहमतिका आधारमा संशोधन गर्ने सहमति छ।

यससँगै संघीय समाजवादी फोरम नेपाल सरकारमा सहभागी हुने सहमति भएको छ ।