काठमाडौं १६ जेठ– सरकारमा सहभागि हुने मन्त्री छान्न संघीय समाजवादी फोरम संसदीय दलको बैठक बुधवार बस्ने भएको छ । नेपाल कम्युनिष्ट पार्टी र सरकारसँग दुईबुदे सहमति भएपछि फोरम सरकारमा जाने तरखर गरिरहेको छ ।

संसदीय दलको कार्यालय सिंहदरवारमा मध्यान्हपछि बस्ने बैठकले सरकारमा सहभागि हुने मन्त्रीहरुको नाम टुंगो लगाउने छ । दुई मन्त्रालय सहित फोरम सरकारमा सहभागि हुँदैछ । 

फोरमले सूचना तथा सञ्चार र स्वास्थ्य मन्त्रालयमा दावी गरेको छ । प्रधानमन्त्री केपी शर्मा ओलीले भने फोरमलाई शहरी विकास र स्वास्थ्य मन्त्रालय लिन आग्रह गरेका स्रोतको भनाइ छ । 

फोरमबाट अध्यक्ष उपेन्द्र यादव, सहअध्यक्ष राजेन्द्र श्रेष्ठ, नेता रामसहायप्रसाद यादव तथा नेत्रृ सरीता गिरी मध्येबाट सरकारमा सहभागि हुने चर्चा छ ।