२४ जेठ २०८३, आइतबार
काठमाडौं, ३ असार– साविकको विश्व विजेता जर्मनी मेक्सिकोसँग पराजित भएको छ । आइतबार राती सम्पन्न खेलमा जर्मनी मेक्सिकोसँग १–० ले पराजित भएको हो ।
मेक्सिकोका हार्भिन लोजानोले खेलको ३५ औं मिनेटमा जर्मनीविरुद्ध गोल गरेका हुन् । त्यसपछि दुबै टोलीबाट कुनै गोल हुन नसकेपछि मेक्सिकोले हानेको ३५ औ मिनेटको गोल नै जितका लागि निर्णायक बन्यो । हुन त आजको खेलमा जर्मनीले मेक्सिको पोस्टमा निरन्तर प्रहार गरेपनि गोलको दिशा लिन सकेको थिएन । मेक्सिकोले पनि थुप्रै राम्रो अवसरहरु गुमाएको थियो ।
यसअघि विश्वकपमा जर्मनी र मेक्सिको तीनपटक भिडेका थिए भने तीनै खेलमा जर्मनी विजयी भएको थियो । आजको खेलमा भने त्यसको ठीक विपरित जर्मनीलाई हराउँदै मेक्सिकोले इतिहास रच्यो ।
स्मरण रहोस् जर्मनीले विश्वकपमा पहिलो खेल हारेको सन् १९८२ पछि यो नै पहिलो पटक हो ।
